మహామహుల రాకతో కళకళలాడిన పుస్తక ప్రదర్శన

 శనివారం (19/12/09) పుస్తక ప్రదర్శనలో ముఖ్యమయిన కార్యక్రమం వాక్ ఫర్ బుక్సు.  ఆ సందర్భంగా  చాలామంది ప్రముఖులని చూసే అవకాశం కలిగింది.

చుక్కా రామయ్య గారు (ప్రముఖ విద్యావేత్త), పరుచూరి వెంకటేశ్వరరావు గారు (సినీ రచయిత), దేవానంద్ (ఐ.ఏ.ఎస్ ఆఫీసరు), జెన్నీ (సినీ నటులు, రచయిత), తెలకపల్లి రవి గారు (జర్నలిస్టు, టి.వి విశ్లేషకులు), రవిప్రకాష్ (టి.వి 9), చొక్కాపు వెంకటరమణ (మెజీషియను మరియు రచయిత) మొదలగువారు ఈ కార్యక్రమానికి హాజరయ్యారు.  నడక తరువాత వీరి ప్రసంగాలు కొనసాగాయి.....అవి నేను వినలేదనుకోండి.

 ఈ కార్యక్రమంలో బ్లాగర్ల తరుపున మరియు e-తెలుగు తరుపున పి.ఎస్.ఎం లక్ష్మి,  సతీషు కుమారు యనమండ్ర, నామాల నాగమురళీధర్, ఇనగంటి రవిచంద్ర, రాజశేఖరుని విజయ శర్మ, శిరీషు కుమార్, శివ చెరువు, సి.బి.రావు, శ్రీనివాస కుమారు, వరూధిని మరియు పుస్తకం వారి తరుపున పూర్ణిమ, అరుణ పప్పు పాల్గొన్నారు.  చాలామంది చిన్న పిల్లలు విచిత్ర వేషధారణలతో .....పుస్తకం నోరు తెరవని మహావక్త,  చదవండి....చదివించండి అన్న ప్లకార్డులతో  అలరించారు.

అక్కడికి వచ్చిన ప్రముఖులకు e-తెలుగు సభ్యులు పనిలో పనిగా e-తెలుగు గురించి, బ్లాగుల గురించి ..... పుస్తకం వారు పుస్తకం సైటు గురించి వివరించి కరపత్రాలు పంచిపెట్టారు.

సరే ఇక ఆ కార్యక్రమం అయిపోయాక e-తెలుగు స్టాలుకి వెళితే అక్కడ ఊహించని అంతర్జాల ప్రముఖులు ఎదురయ్యారు.  పరుచూరి శ్రీనివాసు గారు, అక్కిరాజు భట్టిప్రోలు గారు కనిపించారు. అక్కిరాజు గారి ఫోటో వారి బ్లాగులో ఉంది కాబట్టి ఆయన్ని తేలికగానే గుర్తు పట్టాను.  అక్కిరాజు గారితో పాటు వారి అమ్మాయి భావన కూడా వచ్చింది.   నిన్న e-తెలుగు స్టాలుకి బ్లాగర్లు కూడా చాలామంది వచ్చారు. చివరిదాకా సందర్శకులతో సందడి సందడిగా ఉన్న స్టాలు ఇదేనేమో!  చివరిలో ఊహించని విధంగా రచయిత్రి మరియు బ్లాగరు అయిన చంద్రలత గారు ఓ మెరుపులా అక్కడ ప్రత్యక్షమయ్యారు.  అనుకోకుండా  ఆమెని కలవటం చాలా ఆనందం అనిపించింది.

నిన్న e-తెలుగు స్టాలుకి వచ్చిన బ్లాగర్లు

• కశ్యప్ (Telugu lo kaburlu చెప్పాలని ఉంది)
  
• సతీషు కుమార్ యనమండ్ర  (సనాతన భారతి)
  
•  నామాల నాగమురళీధర్  (మురళీగానం)
•  ఇనగంటి రవిచంద్ర (అంతర్వాహిని)
  
• చక్రవర్తి  (భవదీయుడు)
  
• వీవెను (వీవెనుడి టెక్కునిక్కులు)
  
• శ్రీనివాస కుమార్ (జీవితంలో కొత్తకోణం)
  
• శిరీషు కుమార్ (చదువరి)
  
• శివ చెరువు (నేనో గురివిందగింజ)
•  సి.బి.రావు (దీప్తిధార)
  
• అక్కిరాజు భట్టిప్రోలు  (మూడు బీర్ల తర్వాత)
• సురేష్ కొలిచాల (ఈమాట వెబ్ పత్రిక)
  
• నాగమురళి (Naga Murali's Blog)
•  సురేందర్  (పుల్లాయన కబుర్లు)
• రాజశేఖరుని విజయ శర్మ (రామా కనవేమిరా) 
• సంతోష్ కుమార్ (ఆనందిని)
  
• పి.ఎస్.ఎం లక్ష్మి (అంతరంగతరంగాలు)
  
• పి.ఎస్.ఎం లక్ష్మి  గారి భర్త వెంకటేశ్వర్లు గారు
  
• మాలా కుమార్ (సాహితి)
  
• చంద్రలత  (మడత పేజీ)
  
• వరూధిని (సరిగమలు)
  
• పూర్ణిమ
• అరుణ పప్పు 

ఇంకా ఎవరయినా వచ్చారేమో......వారి పేర్లు ఇక్కడ లేకపోతే అన్యదా భావించకండి.

e-తెలుగు స్టాలు నిర్వహణలో అహర్నిశలు శ్రమిస్తున్న కశ్యప్ గారికి నా ప్రత్యేక అభినందనలు.  అలానే తనకి చేదోడుగా ఉంటూ తోడ్పాటు అందిస్తున్న సతీషు కుమారు యనమండ్ర, నామాల నాగమురళీధర్, చక్రవర్తి గార్లకు జేజేలు మరియు అభినందనలు.  మిగతా రోజుల్లో కూడా  బ్లాగర్లు తమకు వీలయన రోజుల్లో వచ్చి స్టాలు నిర్వహణలో సహాయపడగలరని ఆశిస్తున్నాను. నిన్న పి.ఎస్.ఎం. లక్ష్మి గారు చాలాసేపు స్టాలు నిర్వహణలో తోడ్పాటు అందించి వచ్చిన సందర్శకులకు అన్నీ వివరించారు.  ఆమెకి కూడా అభినందనలు.

ఆదివారం పుస్తక ప్రదర్శనకి వెళ్లే బ్లాగర్లకి ఓ అద్భుత అవకాశం.....బ్లాగర్లు A4 సైజులో వారి బ్లాగు పేరు గానీ స్క్రీన్ షాట్ గానీ తీసుకు వచ్చి స్టాలు వద్ద ప్రదర్శించుకోవచ్చు.

ఇక చివరిగా పనిలో పనిగా కొన్నంటే కొన్నే  పుస్తకాలు కొన్నాను.  అందులో ముఖ్యమయినది (ఇం)కోతి కొమ్మచ్చి...(ముళ్ళపూడి వారి  కోతికొమ్మచ్చి రెండవ భాగం)......మొన్న శుక్రవారమే విడుదలయిందట! దాంతోపాటు చాలామంది బ్లాగు మిత్రులు మీరు చదవ్వాల్సిందే అని మరీ మరీ చెప్పిన యండమూరి అంతర్ముఖం కూడా కొన్నాను.  ఇంకా సోమరాజు సుశీల గారి దీపశిఖ తీసుకున్నాను. ఇవి కాక ఇంకో ఐదు పుస్తకాలు కొన్నాను.

తెలుగు పుస్తకాలు చదవండి, చదివించండి.